चिंताग्रस्तता, ताण-तणाव, प्रेम & बरंच काही

What Therapy Looks Like at Munnsense Counselling

थेरपी सत्रामध्ये मी सगळ्यात जास्त महत्त्व देते कुतूहलाला. त्यामुळे सत्रात आपण दोघं एकत्र मिळून तुमच्या आयुष्याकडे, तुमच्या समस्यांकडे, तुमच्या वागण्याच्या पद्धतींकडे फ्रेश नजरेने, जाणून घेण्याच्या हेतूने बघतो. तुमच्या डोक्यातले विचार, तुमच्या दबलेल्या भावना, तुमच्या शरीराची भाषा तुम्हाला काय सांगण्याचा प्रयत्न करतेय, हे आपण समजून घ्यायला शिकतो. कसलीही घाई न करता. तुमच्या गतीनुसार, तुमच्या सोयीप्रमाणे.

माझ्यासोबत थेरपी सुरू करणं अगदी सोपं आहे:

1) फॉर्म भरा किंवा ईमेल वर हेलो बोला

2) माझ्याशी ईमेलवर थोडक्यात संवाद साधून आपलं ट्यूनिंग जमतंय का पहा

3) मी पाठवलेलं संमतीपत्र आणि बुकिंग लिंक तपासा

4) संमतीपत्र सबमिट करा, थेरपी सत्राची वेळ निवडा, पेमेंट करा, झालं!

थेरपी सत्रामध्ये तुम्ही स्वत:शी प्रामाणिक होऊन, निश्चिंतपणे तुमच्या भावना, तुमचे विचार व्यक्त करू शकता. प्रत्येक वेळी मन मारून जगणारं तुमचं स्ट्रॉंग, संयमी व्हर्जन न धारण करता तुमच्या आतील लहान मुलाला कसं उत्तेजन द्यायचं, हे शिकण्यासाठी थेरपी ही उत्तम जागा आहे.

प्रत्येक सत्र, प्रत्येक संभाषण म्हणजे तुम्ही मानसिक स्वास्थ्याच्या दिशेने उचललेलं एक पाऊल.

Munnsense Counselling मध्ये फक्त अपॉइंटमेंट घेऊनच थेरपी दिली जाते. जर तुम्ही संकटात असाल, किंवा तुम्हाला तात्काळ मदतीची गरज असेल तर कृपया २४/७ मानसिक आरोग्य हेल्पलाइनशी संपर्क साधा. वेळेवर मदत मिळवा.